Ban kar ek diya tumhare aashiyaane me roshni sajane aaya hoon,

Ek aadad faila hua voh andhera ab mitane aaya hoon.

Kyun odh rakhi hai gam ki chaddar tumne E dost,

Main aaj tumhe zindgi jeena sikhlane aaya hoon.

Kyun dekha nahi karte ho voh nazuk se sapne ab,

Main tumhe phir wahi pyare sapne dikhane aaya hoon.

Kya hua jo koi khata kar baith, ya koi khafa hai tumse,

Aaj dilon se sabhi ke main gille sikwe mitane aaya hoon.

Na dharm hai na jaat meri koi, main to roshan karta hoon zindgiyan,

Mita kar sabhi dooriyan aaj har sakhas ko apnane aaya hoon.

Bachpan me maa ki voh god yaad hai na tumhe,

Aaj main bhi usi tarah apni aagosh me tumhe sulane aaya hoon.

Tumhi me to rehta hoon kahin khoya hua sa main,

Aaj dukh dard sabhi tumse main churane aaya hoon.

Aaj aaya hu to rone na doonga ab kabhi tumhe,

Sang tumhare har pal main muskurane aaya hoon.

Voh diya nahi jo bhujh jaaega tufaano me tadap kar yuhi,

Main tumhari zindgi har pal roshan karne ki kasam nibhane aaya hoon...